Lehen Hezkuntzako Irakasletzako Graduaren Nazioarteko Programa
Lor ezazu Lehen Hezkuntzako Irakasletzako Graduko titulazioa, eta, aldi berean, eskuratu nazioarteko prestakuntza. Eskura ezazu 6 urtetik 12ra bitarteko haurrei laguntzeko gaitasuna emanen dizun prestakuntza teoriko eta praktikoa. Trebatu zaitez haien hezkuntza eremu formaletik eta ez-formaletik lantzeko, eta trebatu atzerriko hizkuntzak irakasteko (ingelesa edo frantsesa) eta edukiak atzerriko hizkuntzan emateko.
- Modalitatea: presentziala
- Hizkuntza:
- bi hizkuntzatan (gaztelania eta ingelesa). Ingeleseko B2 behar da
- bi hizkuntzatan (euskera eta ingelesa). Ingeleseko B2 behar da
- Kredituak: 240 ECTS
- Iraupena: 4 ikasturte (8 seihileko)
- Postuak: 35
- Arduradun akademikoa: María Camino Bueno Alastuey
- Ikastegia: Giza, Gizarte eta Hezkuntza Zientzien Fakultatea
- Campusa: Iruñea (bisita birtuala)
- Informazio gehiago: unibertsitatea erakusteko egunak (bideoa)
Praktikak
Ikasleek, eskoletako praktikak eginez, lotura egokia lortzen dute Haur Hezkuntzako eta Lehen Hezkuntzako Irakasletzako graduetako ikasgaietan ematen diren eduki teoriko-praktikoen eta irakasle lanbidean aritzeko behar diren ezagupen eta trebetasun profesionalen artean. Horretarako, zenbait jarduera izaten dira, fakultateko eta ikastetxeetako praktiketako tutore diren irakasleek gidatuak, aukera ematen dutenak ikasgeletan ikasten dena eta ikasgela jakin batean izaten diren egoerak lotzeko. Eskoletako praktiketan, horrenbestez, jakintza eta trebetasun horiei buruzko hausnarketa kritikoa egitea da premiazkoa, horren ondorioz irakasle lanetan haiek integratzeko eta etorkizuneko egoerei aurre egiteko asmoz nori bere irizpide profesionalak garatzeko.
Norentzat:
- Haur Hezkuntzako eta Lehen Hezkuntzako Irakasletzako graduetako 2. eta 4. Ikasmailetako ikasleentzat
- Haur Hezkuntzako eta Lehen Hezkuntzako Gradu Bikoitzeko 5. Ikasmailako ikasleentzat
Ukoa eta salbuespenak
- Ukoa: esleitutako tokiari uko eginez gero, arrazoitu egin beharra dago, eskabide orokor bat eginez Unibertsitatearen egoitza elektronikoaren bidez. Fakultatearen edozein programatan esleitutako tokiari argudiatu gabe uko egiteak fakultatearen gainerako programetan parte hartu ezina ekarriko du berekin.
- Hasierako eta bukaerako data, berez, praktika guztietarako ezartzen da. Salbuespenak egin daitezke, hots, mugikortasun programetan dauden ikasleen praktiken hasiera eta bukaera geroratu, betiere arrazoi akademikoengatik (azterketak direla-eta) ikaslea ezin bada praktikak egiten hasi ezarria zegoen datan. Salbuespenak onartzekotan, ezarritako epean jakinarazi behar zaio praktikaren irakasle tutoreari, betiere egin beharreko praktikei dagozkien orduak egin ahal izatea bermatua badago.
Aurretiazko dokumentuak
Bi dokumentu horiek MiAulario plataformaren bidez bidali beharko dira, "Zereginak" atalean, dagokion ikasgaian. Ez da posta elektronikoz bidaltzerik onartzen, ezta aurrez aurre bidaltzerik ere.