Nafarroako Unibertsitate Publikoko (NUP) ikasleek osatutako bi taldek irabazi dute Nafarroako Zibersegurtasuneko lehen desafioa (Navarra Cyber Talent’24). Joan den astean Baluarten egin zen lehiaketa Nafarroako Industria Fundazioak (FIN) antolatutako #OTDChallenge ekimenaren esparruan. NUPek parte hartu zuen zibersegurtasuneko desafioaren antolaketan, eta NUPeko, María Ana Sanz IIko eta Donapea IIPko ikasleek osatutako 10 talde lehiatu ziren desafioan. 

“JIJ” taldea sailkatu zen lehen postuan, eta Jorge Buil Lanau, Imanol Remón Lasheras eta Jorge Bruned Alamán ikasleek osatu zuten, guztiak ere NUPeko Ingeniaritza Informatikoko Unibertsitate Masterrekoak. “Sudoers del mal” taldea sailkatu zen bigarren postuan, eta Beñat Solaegui Garralda, Jon Goikoetxea Macua, Santiago Ayechu Garriz eta Lander Jiménez Nadales ikasleek osatu zuten, guztiak ere NUPeko Ingeniaritza Informatikoko Unibertsitate Masterrekoak. “0Programmation” taldea sailkatu zen hirugarren postuan, eta Alain Pérez Cortes, Imanol Goñi, Íñigo Aramendia de Goñi eta Julen Alba Tellechea ikasleek osatu zuten, guztiak ere María Ana Sanz Zentrokoak. Sailkatutako hiru taldeek 1.000, 600 eta 300 euroko saria jaso zuten, hurrenez hurren. 

Talde saridunak, Patricia Fanlo Unibertsitateko, Berrikuntzako eta Eraldaketa Digitaleko kontseilariarekin.

NUPez gain Navarra Cybersecurity Centerrek (NavCC) ere antolatzen zuen Navarra Cyber Talent’24 lehiaketa. NASERTIC enpresa publikoak kudeatzen du Navarra Cybersecurity Center enpresa, CEINekin eta Nafarroako Rural Kutxarekin lankidetzan. CTF Navarra Cyber Talent’24 lehiaketaren lehen fasea martxoaren 14an egin zen NUPen.