NUPeko Masterreko Aparteko Sariak. Atzeko lerroan (ezkerretik eskuinera): Adriana Magdalena Acaro Chamba (Abokatutzarako Sarbiderako Unibertsitate Masterra), Eduardo García Osés (Bigarren Hezkuntzako Irakasletzako Unibertsitate Masterra) eta Sergio Cuesta Ferré (Osasun Zientzietako Ikerketako Unibertsitate Masterra). Aurreko lerroan (ezkerretik eskuinera): Leyre Catalán Ros (Industria Ingeniaritzako Unibertsitate Masterra), María Luquin Urtasun (Bigarren Hezkuntzako Irakasletzako Unibertsitate Masterra), Pablo Rodríguez Rodríguez (promozioaren aitabitxia), Marta Fresán Gastón (Informazio Sistema Integratuen bidezko Prozesuen Kudeaketako Unibertsitate Masterra-ERP) eta José Luis González Moral (Materialen eta Fabrikazioaren Ingeniaritzako Unibertsitate Masterra).
Sei masterretako zazpi ikaslek irabazi dituzte Nafarroako Unibertsitate Publikoak (NUP) ematen dituen Ikasketen Amaierako Aparteko Sariak titulazioa 2016-2017 ikasturtean bukatu ondoren. Hala, graduondo ofizialetan oso ongi edo hortik gorako batez besteko kalifikazioa erdietsi dutenen lana aitortzen da ofizioz, 300 euroko sari banarekin. Unibertsitateak titulazio bakoitzeko sari kopuru jakin bat finkatzen du, bai eta zein master saritzen diren ere. Saria irabazi izana ikasleen ikasketa espedientean eta Tituluaren Europako Gehigarrian adierazten da.
Aurtengo saridunak hauek dira: Leyre Catalán Ros, Industria Ingeniaritzako Unibertsitate Masterrean, eta José Luis González Moral, Materialen eta Fabrikazioaren Ingeniaritzako Unibertsitate Masterrean (bi graduondo horiek TIIGMET Telekomunikazio eta Industria Ingeniarien Goi Mailako Eskola Teknikoari atxikiak daude); Marta Fresán Gastón, Informazio Sistema Integratuen bidezko Prozesuen Kudeaketako Unibertsitate Masterrean-ERP (Ekonomia eta Enpresa Zientzien Fakultateko masterra); Sergio Cuesta Ferré, Osasun Zientzietako Ikerketako Unibertsitate Masterrean (Osasun Zientzien Fakultatekoa); Eduardo García Osés eta María Luquin Urtasun, Bigarren Hezkuntzako Irakasletzako Unibertsitate Masterrean (Giza eta Gizarte Zientzien Fakultatekoa); eta Adriana Magdalena Acaro Chamba, Abokatutzarako Sarbiderako Unibertsitate Masterrean (Zientzia Juridikoen Fakultatekoa).
9tik gorako kalifikazioak
Zazpi saridunetatik bostek 9tik gorako batez besteko kalifikazioa dute espediente akademikoan; seigarrenak, 8,5 baino altuagoa; eta zazpigarrenak, 8tik gorakoa.
Master ofizialen graduazio ekitaldian banatu ziren Ikasketen Amaierako Aparteko Sariak. Promozioaren aitabitxi Pablo Rodríguez Rodríguez Telekomunikazio ingeniaria izan da, Telefónica Alpha enpresako kontseilari delegatua eta NUP Alumni Nabarmenaren I. sariduna.