Al Foster Quartet taldeak irekiko du bihar, ostegunean, martxoaren 31n, Iruñeko Baluarteko Ganbera Aretoan, Nafarroako Unibertsitate Publikoaren XI. Jazz Zikloa. Kontzertua 20:00etan izango da eta sarrerak salgai daude Baluarteko lehiatiletan (8 euro) edo Jarduera Kulturalen bulegoan (Ikasgelategiko 019. ikasgela), horiek unibertsitateko komunitateko kideentzat (4 euro) Programa osatzen dutenak izango dira Filthy Habits Ensemble, ostiralean, apirilaren 1ean, eta Carmen París, zikloa itxiko duena, larunbatean, apirilaren 2an. Hiru kontzertuetarako bono bat dago, 20 eurokoa (10 euro unibertsitateko komunitateko kideentzat).
Bihar Jazz jaialdia irekitzen duen New Yorkeko laukotearen zuzendaria Al Foster da, Miles Davisen bateria-jotzaile ohia. Al Foster jazzeko bateria-jotzaile handienetakotzat hartua da, oso gaztea zenetik hasi baitzen jotzen Miles Davisen talde ospetsuan. Bateria-jotzaileak musika-estilo anitz jorratu ditu forma askeko bebopetik jazz-rockera.
XI. Jazz Zikloaren aurtengo berritasun nagusia da programatutako hiru kontzertuak Baluarteko Ganbera Aretoan egingo direla. Zikloa lekuz aldatu dela jakinarazteko, bihar, ostegunean, Iruñeko Broken Brothers Brass Band taldeak Arrosadiko campusera eramango du jazz musika goizean, eta Alde Zaharreko kaleetara arratsaldean. Goizean campusean egongo da. Ibilaldia 11:00etan hasiko da, Ikasgelategiko kafetegian. Alde Zaharreko parte hartzea 18:00etan hasiko da, Baluartetik abiatu eta kale Nagusia, Gaztelu plaza, Estafeta kalea eta Sarasate pasealekua zeharkatu ondoren berriz Baluartera iritsiko da. Taldearekin batera NUPeko Antzerki Taldeko aktoreak egongo dira, ordu batzuetan New Orleanseko kaleetako soinua eta giroa Iruñeko Alde Zaharrera eramateko.
RNE, Filthy Habits Ensemble eta Carmen París
Beste alde batetik, hirugarren urtez, RNE ziklo honetan egongo da. Baluarteko Auditoriotik zuzeneko emanaldian aurkeztuko du Radio 3eko “En la nube” programa. Programa Juan Suárezek zuzentzen du. Ostiralean emango da, apirilaren 1ean, Baluarteko Ganbera Aretotik, 16:00etatik 18:00etara, eta jenderentzat irekiko da, aretoa bete arte. Parte hartuko dutenak dira Pachi Tapiz, Jazz Zikloaren irakaskuntza koordinatzailea, Filthy Habits talde katalana, eta Iruñeko Broken Brothers Brass Band taldea, hainbat kanta zuzenean emango dituena.
Filthy Habits Ensemble Bartzelonako taldeak joko du apirilaren 1ean, ostiralean, egingo den kontzertuan. “Plays Zappa” izeneko kontzertua aurkeztuko du, Frank Zappa gitarra-jotzaile iparramerikarraren musika jazzaren eta inprobisazioaren eremura nola hurbildu behar den erakusten duen kontzertua. Nabarmentzekoa da talde honen haize-sekzio indartsua. Hiru saxo eta tronpeta ditu, eta ezin hobea da moldaketak egiteko eta soloetan. Bideo jockey batek irudiak proiektatuko ditu.
Apirilaren 2an, larunbatean, zikloko hirugarren eta azken kontzertua egingo da. Carmen París zaragozarrak eskainiko du errezitaldia. Konpositore honek musika-estilo bereki bat sortu du flamenkoa edo jota jazarrekin eta soularekin elkartuz. “Paris pianoan” izeneko ikuskizun intimo eta hurbilekoa aurkeztuko du. Ikuskizun horretan, bere errepertorioko ale onenak eskaintzen ditu piano baten laguntzarekin.